white-van-abductions_CI-300x200சுன்னாகம் பொலிஸ் பிரிவுக்குட்பட்ட மருதனார்மடம் பகுதியில் சற்றுமுன்னர் வெள்ளை வேன் கடத்தல் சம்பவம் ஒன்று பொதுமக்களினால் முறியடிக்கப்பட்டுள்ளது.

இதனால் குறித்த பகுதியில் அசாதாரண சூழ்நிலை நிலவுவதாக அங்கிருக்கும் எமது செய்தியாளர் தெரிவித்தார்.

வெள்ளை வேன் கடத்தலில் மூன்று பேர் ஈடுப்பட்டுள்ளதாகவும் இருவர் பிடிப்பட்ட நிலையில் ஒருவர் தப்பி சென்றுள்ளதாகவும் தெரிவிக்கப்பட்டுள்ளது.

இதேவேளை, பிடிப்பட்ட இருவரையும் அங்கிருந்து அழைத்து சென்றுள்ளனர்.

எனினும் வெள்ளை வேன் கடத்தலில் ஈடுப்பட்ட இருவரும் பொலிஸ் நிலையத்திற்கு அழைத்து செல்லப்படவில்லை என தகவல் வெளிவந்துள்ளதால் சுன்னாகம் மருதனார்மடம் பகுதியில் பதற்ற நிலை நிலவுவதாக அங்கிருக்கும் எமது செய்தியாளர் மேலும் குறிப்பிட்டுள்ளார்.

இரண்டாம் இணைப்பு

ஆவா குழுவுடன் தொடர்புடையவர்கள் என்ற சந்தேகத்தின் போரில் உடுவில் பகுதியில் சகோதரர்கள் இருவரை பயங்கரவாத தடைச்சட்டப்பிரிவினர் கைதுசெய்ததினால் அப்பகுதியில் பதற்றம் ஏற்பட்டது.

யாழ். சுன்னாகம் பொலிஸ் பிரிவிற்குட்பட்ட உடுவில் பகுதியில் உள்ள வீடொன்றிற்கு சென்ற பயங்கரவாத தடைச்சட்டப் பிரிவினர் வீட்டில் இருந்த சகோதரர்கள் இருவரை கைதுசெய்துள்ளனர்.

கைது செய்த வேளையில், வீட்டில் இருந்தவர்கள் கூச்சலித்து கத்தியதை தொடர்ந்து, தாம் யார் என பயங்கரவாத தடைச்சட்டப் பிரிவினர் அடையாளப்படுத்தியதுடன் கைதுசெய்த நபர்கள் இருவரையும் அவர்களுக்குச் சொந்தமான ஹயஸ் வாகனத்தினையும் எடுத்துச் சென்றுள்ளனர்.

சம்பவத்தினை அறிந்த இவர்களின் சகோதரன் யாழ்.மருதனார்மடம் பகுதியில் நின்ற போது , அப்பகுதியில் வந்த பயங்கரவாத தடைச்சட்டப்பிரிவினரின் ஹயஸ் வாகனத்தினை மறித்து பிரச்சினையில் ஈடுபட்ட போது அந்தப்பகுதியில் உள்ள மக்கள் திரண்டு சம்பவத்தினைப் பார்த்துள்ளனர்.

சம்பவ இடத்திற்கு வந்த சுன்னாகம் பொலிஸார் கைதுசெய்யப்பட்ட இளைஞர்கள் இருவரின் சகோதரனை பொலிஸ் நிலையத்திற்கு அழைத்துச்சென்றுள்ளனர்.

பயங்கரவாத தடைச்சட்டப்பிரிவினரால் கைதுசெய்யப்பட்ட இந்திரகுமார் கபில் மற்றும் இந்திரகுமார் விதுசன் ஆகிய இருவரையும் ஹயல் வாகனத்தினையும் பயங்கரவாத தடைச்சட்டப்பிரிவினர் கொண்டு சென்றுள்ளனர்.

இன்று மற்றும் நேற்று ஆகிய இரு நாட்களில் ஆவா குழுவுடன் தொடர்புடையவர்கள் என்ற சந்தேகத்தில் 5 இளைஞர்கள்கைதுசெய்யப்பட்டுள்ளனர்.

இவ்வாறான கைது நடவடிக்கையினால் பொது மக்களிடையே அச்சம் நிலவி வருகின்றமையும் குறிப்பிடத்தக்கது.

Comments

comments, Login your facebook to comment